تعالى ندخل على مرحلة الوحش ..
علشان تلاقي شغل محتاج خبرة ، وعلشان تتاخد خبرة محتاج شغل 🙃
بس صدقنا لو انت مشيت المراحل اللي فاتت مظبوط ، هتقدر ان انت تلاقي وظائف حتى لو مش معاك خبرة ، لانك هتكون مبهر في الـ Interview
وخلي بالك ان الغالبية العظمى من خريجين علم النفس مستواهم قليل ، ومش بيبذلوا مجهود حقيقي ، فأي حد هيبذل شوية مجهود وهيتعب على نفسه ، هيلاقي فرص كويسة جدا ان شاء الله
ومع ذلك في كلمتين هنقولك ازاي يبقى عندك خبرة لو انت لسه خريج أو حتى طالب
ببساطة الانشطة التطوعية هي كلمة السر ، انزل اتطوع في جمعيات أهلية ، واكتب ده في الـ C.V بتاعك
انزل اعرض على الحضانات والنوادي والمدارس انك تقدملهم خدمة مجانية ، زي اختبارات نفسية مثلا او ندوة أو جلسات تعديل سلوك او تنمية مهارات او اي حاجة.
اعمل صفحة على الفيسبوك لزيادة الوعي النفسي.
كل الحاجات دي تقدر تضيفها للـ C.V وتسمحلك انك تكتب بعض الخبرات البسيطة فيه
وفي المقال اللي فات اتكلمنا عن أهم المهارات اللي تفيدك كاخصائي نفسي اكلينيكي
ارجع الى المقال السابق من هنا
